САД се подготвени да испратат нова помош за Украина, вредна 350 милиони долари, а ќе се состои од оружје и опрема, соопштија денеска американските власти.
Најавата за новиот пакет помош доаѓа во време на жестоки борби со руските сили за контрола на градот Бахмут.
Помошта ќе се состои од големо количество разни видови муниција, чии детали ќе бидат соопштени подоцна.
Официјалните лица, кои сакаа да останат анонимни, наведоа дека помошта ќе дојде од залихите на Пентагон, што ќе ѝ овозможи побрзо да стигне до линиите на фронтот.
САД досега во Украина испратија воена помош во вредност поголема од 32,5 милијарди долари. (МИА)
Ultrasoft