Денес, претседателот на Владата на Република Северна Македонија, Христијан Мицкоски, оствари посета во селото Лабуништа.
Во негово друштво беа и заменик-министерот за правда, Ален Деребан, како и пратеникот Јовал Јаулески. Средбата со граѓаните беше во форма на пријателско дружење со кафе, при што беше промовиран и идниот советник во Општина Струга, Ерол Зенделоски.
Мицкоски пред присутните граѓани ја претстави актуелната состојба во државата, како и идните планови и активности на Владата. Тој посочи дека еден од значајните проекти за овој регион е изградбата на водоводната мрежа од Стрижак до резервоарите за вода, за кој веќе е потпишан договор помеѓу Владата и Општина Струга. Со овој проект, се очекува во најкраток можен рок да се реши долгорочниот проблем со водоснабдување во Лабуништа.
Граѓаните имаа можност директно да му поставуваат прашања на премиерот Мицкоски и да добијат одговори за прашањата кои ги засегаат нив и локалната заедница.
Ultrasoft