Одбиена жалбата на досегашниот концесионер – „Карп Фиш Лабуништа“ ја презема концесијата

“Карп Фиш Лабуништа“ нов концесионер на акумулацијата Глобочица и реката Црн Дрим

Риболовното друштво „Карп Фиш Лабуништа“ официјално ќе биде новиот концесионер на акумулацијата Глобочица и реката Црн Дрим во наредните 12 години. Денеска, второстепената комисија ја одби жалбата поднесена од досегашниот концесионер, со што автоматски друштвото од Лабуништа ја добива концесијата за стопанисување со овие води.

Во следните неколку дена, претставници на „Карп Фиш Лабуништа“ ќе одржат состанок со Министерството за земјоделство, шумарство и водостопанство на Република Македонија, по што и официјално ќе биде потпишан договорот.

Со ова, се отвораат нови можности за развој и унапредување на спортскиот риболов, како и за заштита и одржување на рибниот фонд во акумулацијата Глобочица и реката Црн Дрим.