Фон дер Лајен: Секогаш кога има напредок во преговорите, Русија го ескалира насилството

Претседателката на Европската комисија, Урсула фон дер Лајен, денес во Стразбур ги претстави „црвените линии“ во преговорите за војната во Украина, велејќи дека ЕУ е против еднострано прекројување на границите и ограничување на украинската армија, како и финансиска поддршка за Киев со замрзнати руски средства.
„Рускиот план на игра не се промени од почетокот на војната, таа верува дека може да ги надживее Украина, Европа и нејзините сојузници, па затоа секој пат кога има вистински напредок во преговорите, таа го ескалира насилството“, изјави Фон дер Лајен пред Европскиот парламент.
„Го видовме ова и претходно, тоа е шема. Вревата од Кремљ ги открива вистинските намери, за нив Украина останува само првиот чекор во многу поголема игра“, изјави претседателката на Комисијата.
Германката ги поздрави напорите на американскиот претседател Доналд Трамп за мир во Украина и истакна дека конечно започнала работата на текстот на мировните преговори, иако „сè уште е потребна многу работа“.
„Имаме почетна точка.Унијата не може да прифати ограничување на силите на Украина, затоа што тоа би ја направила ранлива на идна агресија“, изјави таа.