Голем успех за Лабуништа и за младите таленти од нашиот крај. Ејлем Бекироска, ученичка во прва година во средното училиште ПСУ „Јахја Кемал“ – Струга, освои бронзен медал и 3. место на меѓународниот натпревар INFOMATRIX ASIA 2026, кој се одржа во Астана, Казахстан.
INFOMATRIX ASIA е меѓународен натпревар за иновации кој повеќе од една деценија претставува платформа за млади таленти во областа на технологијата, науката и дигиталните уметности. Натпреварот е посветен на промовирање на соработка и креативна извонредност во ИТ, науката и претприемништвото на глобално ниво.
На натпреварот учествуваа повеќе од 3000 натпреварувачи во неколку категории, што го прави овој успех уште позначаен. Во силна меѓународна конкуренција, Ејлем успеа достојно да се претстави и да постигне резултат вреден за почит.
Овој успех претставува голема гордост за Лабуништа, за нејзиното семејство, училиштето и за целата заедница. Освојувањето бронзен медал на еден ваков меѓународен настан е доказ дека младите од Лабуништа имаат знаење, талент и потенцијал да се натпреваруваат со најдобрите.
Успехот на Ејлем Бекироска е инспирација за сите млади од Лабуништа и пошироко, дека со труд, посветеност и верба во себе можат да се достигнат големи резултати и на меѓународна сцена.
извор:Лавуништа.мк
Ultrasoft