Првпат во историјата на македонското здравство, утрово од еден дарител беа експлантирани четири органи во еден акт, известува Министерството за здравство.
– Благодарение на хуманоста на едно семејство, нивната љубов, добрина и емпатија која ја носат во себе, рано утрово ново срце почна да чука во градите на 40-годишен пациент од Скопје. Нова шанса за живот и црн дроб доби пациент со хронична црнодробна болест, а двајца пациенти на дијализа во текот на денот ќе добијат бубрези. Дополнитено шанса за поквалитетен живот наредниве денови ќе добијат пациенти со коскени заболувања, соопшти МЗ.
![](https://tocka.com.mk/images/content/inside/2023-07/E96gvq5znX-foto-za-prvpat-vo-istorijata-na-makedonskoto-zdravstvo-eden-donor-utrovo-spasi-cetiri-zivoti.jpeg)
Од Министерството упатуваат благодарност до семејството на донорот кои со нивната несебична одлука донесоа утро полно надеж и верба во безусловна добрина.
![](https://tocka.com.mk/images/content/inside/2023-07/iZlWJIW3pV-foto-za-prvpat-vo-istorijata-na-makedonskoto-zdravstvo-eden-donor-utrovo-spasi-cetiri-zivoti.jpeg)