ООУ „Мурат Лабуништи“ од Лабуништа објави повик за Еразмус+ мобилност во Турција
Основното училиште „Мурат Лабуништи“ од Лабуништа објави отворен повик за избор на 12 ученици и 7 наставници кои ќе имаат можност да учествуваат во меѓународни образовни активности во Република Турција, во рамките на програмата Еразмус+.
Активностите ќе се реализираат преку проектот „Inclusive Paths for Young European Learners“, со број 2026-1-MK01-KA122-SCH-000422967.
Според објавениот повик, предвидено е учество на 12 ученици во краткорочна образовна мобилност, додека 7 наставници ќе учествуваат во програмата „Job Shadowing“, која овозможува размена на искуства и запознавање со наставните практики во образовните институции во Турција.
Целта на проектот е учениците и наставниците да стекнат нови знаења, да ги унапредат своите вештини и компетенции, како и да се запознаат со различни култури и образовни пристапи. Преку меѓународната соработка се отвораат можности за создавање нови пријателства, професионални контакти и размена на искуства.
Од училиштето ги повикуваат сите заинтересирани ученици и наставници да аплицираат согласно утврдените услови и критериуми.
Потребните информации и формуларите за пријавување се достапни на следните линкови:
– “Отворен повик на македонски јазик” (https://tinyurl.com/OOUML1)
– “Отворен повик на албански јазик” (https://tinyurl.com/OOUML2)
– “Формулар за пријавување ученици” (https://tinyurl.com/OOUML3)
– “Формулар за пријавување наставници” (https://tinyurl.com/OOUML4)
Роковите, критериумите и постапката за пријавување се наведени во официјалниот повик објавен од училиштето.
Со учеството во програмата Еразмус+, ООУ „Мурат Лабуништи“ продолжува да создава можности за меѓународна образовна соработка и професионален развој на учениците и наставниот кадар.



