Внимавајте со малите греалки за да не предизвикате пожар, а еве на што да внимавате.
Ако користите помала електрична греалка за да го загреете домот за време на зимските денови кои не се премногу студени, задолжително прочитајте ги налепниците со предупредувања за потенцијални опасности или безбедносни совети специфични за тој модел.
Еве неколку корисни совети кои ќе ја спречат потенцијалната опасност во домот.
Никогаш не ја приклучувајте електричната греалка во продолжен кабел, бидејќи може да се прегрее и да предизвика пожар. Вклучете ја директно во штекер на ѕидот така што греалката ќе биде единствениот поврзан потрошувач.
Секогаш ставајте ја електричната греалка на рамна, чиста површина, никогаш на тепих или парче мебел.
Ако можете, купете греалка со безбедносен прекинувач за превртување, кој автоматски ја исклучува ако падне.
Најдобро е да ја поставите греалката во помал простор како бања или во простор каде што не се движат многу луѓе, како спална соба. Ако ја ставите во дневна соба каде што се движат многу луѓе, може да биде многу опасно, особено ако имате мали деца и домашни миленици.
Секогаш запомнете една работа – ако излезете од домот или работното место каде имате вклучено греалка, или подолго време ја напуштате просторијата каде што е греалката, задолжително исклучете ја. Докажано е дека греалките кои подолго време се оставени без надзор се едни од главните причинители на пожари во домот.
Ultrasoft