Претстојното ажурирање ќе го синхронизира заклучувањето на разговорите на мобилните уреди, компјутерите и таблетите поврзани со WhatsApp корисничката сметка.
WhatsApp работи на нова функција која на корисниците ќе им даде можност да ги заклучуваат разговорите на поврзаните уреди. Во моментов, ако заклучите разговор на вашиот телефон, тој ќе остане отклучен на вашиот компјутер или таблет.
Новата функција на WhatsApp автоматски ќе го заклучи разговорот на сите поврзани уреди, откако ќе го заклучите на главниот уред.
WhatsApp им овозможува на корисниците да заклучуваат поединечни разговори користејќи лозинка или биометрика (отпечаток од прст, препознавање лице). Ова им дава дополнителна безбедност на корисниците и ги спречува другите да отвораат заклучени разговори доколку пристапат до вашиот телефон. Сепак, функцијата за заклучување разговор работи само на мобилниот уред, а не и на поврзаните уреди.
Некои од претстојните ажурирања ќе го синхронизираат заклучувањето на разговорите на мобилните уреди, компјутерите и таблетите поврзани со WhatsApp корисничката сметка. Значи, ако заклучите разговор на вашиот телефон, тој автоматски ќе биде заклучен на вашиот компјутер, па ќе мора да внесете лозинка за да го отклучите.
Новата функција спречува неовластен пристап до заклучени разговори од поврзани уреди и осигурува дека вашата приватна WhatsApp кореспонденција останува приватна дури и кога се пристапува од други уреди.
Функцијата за синхронизација на заклучување разговор е забележана во најновата бета верзија на апликацијата WhatsApp за Android, објави WABetaInfo. Сè уште е во развој и сè уште не е јавно достапна, но веројатно наскоро би можела да им биде претставена на корисниците.
Ultrasoft