Генералниот секретар на Европската служба за надворешни работи (ЕЕАС), Стефано Санино денеска ја бранеше одлуката на Германија и САД да испратат тенкови во Украина, потенцирајќи дека рускиот претседател Владимир Путин „води војна против НАТО и Западот“.
Санино, на денешната прес-конференција во Токио во рамките на неговата азиско-пацифичка турнеја, наведе дека Путин „од концептот на специјална воена операција преминал на концептот на војна против НАТО и Западот“.
Тој додаде дека американските, британските и германските тенкови треба да и помогнат на Украина да се одбрани од руската агресија.
– Мислам дека најновите случувања поврзани со снабдувањето со оружје за Украина се само еволуција на моменталната ситуација односно начинот на кој Русија влегува во поинаква фаза од војната, посочи Санино.
Тој истакна дека Русија повеќе не е напаѓајќи воени цели, туку цивилна инфраструктура, градови и цивили.
– ЕУ не е таа што ја однесе војната во нова фаза, таа само и помага на Украина да спаси човечки животи и да се одбрани од варварски напади, наведе Санино.
Ultrasoft