Италијанската премиерка Џорџа Мелони се соочи со остри критики од опозицијата откако италијанскиот суд третпат го одби нејзиниот план за испраќање мигранти во Албанија.
Група од 43 мигранти од Африка и Јужна Азија беа вратени во италијанското пристаниште Бари откако апелацискиот суд во Рим пресуди дека лицата на кои им е одбиено барањето за азил не можат да бидат задржани во трета земја.
Лидерката на Демократската партија, Ели Шлајн, ја нарече иницијативата „целосен неуспех“ и побара оставка од премиерката. Таа истакна дека проектот веќе чинел една милијарда евра без да даде резултати.
Дополнителни критики упати и Рикардо Маџи од партијата Повеќе Европа, кој оцени дека пресудата ја потврдува незаконитоста на мигрантските центри во Албанија.
Ова е третпат судот да донесе одлука против трансферот на мигранти откако центрите беа отворени во октомври. Европскиот суд на правдата ќе ја разгледа правната основа на целиот проект на 25 февруари.
Ultrasoft