Во видео порака објавена на Truth Social, американскиот претседател Доналд Трамп рече дека е „полн со тага и гнев поради гнасниот атентат врз Чарли Кирк“.
„Чарли инспирираше милиони, а вечерва, сите што го познаваа и го сакаа се обединети во шок и ужас. Чарли е патриот кој го посвети својот живот на каузата за отворена дебата и на земјата што ја сака толку многу, Соединетите Американски Држави“, рече Трамп.
„Тој е модел на вистината и слободата, и никогаш не постоел некој толку почитуван од младите луѓе. Чарли беше исто така човек со длабока, длабока вера. И се утешуваме знаејќи дека тој сега е во мир со Бога на небото“, рече Трамп, додавајќи дека го замолил Бога да ги чува сопругата и децата на Кирк „во овој ужасен час на болка и тага. Ова е мрачен период за Америка“, додаде тој.
Тој објави дека неговата администрација ќе „ги пронајде сите оние кои придонеле за ова злосторство и друго политичко насилство“. Трамп истакна дека „екстремно левичарското политичко насилство повредило премногу невини луѓе“.
Тој го спомена обидот за атентат врз него и убиството на Брајан Томпсон, извршниот директор на UnitedHealthcare, минатата година.
Ultrasoft