Сојузникот на Трамп, Чарли Кирк, бил застрелан на настан во Јута, изјави извор запознаен со ситуацијата.
Тежината на повредите на Кирк во овој момент не е позната, објави CNN.
Снимките на социјалните мрежи покажуваат како Кирк е застрелан на кампусот на Универзитетот Јута Вали.
BREAKING: CHARLIE KIRK HAS JUST BEEN SHOT AT AN EVENT AT UTAH VALLEY UNIVERSITY
CONDITION UNKNOWN
PRAY FOR CHARLIE
— Nick Sortor (@nicksortor) September 10, 2025
BREAKING: CHARLIE KIRK HAS JUST BEEN SHOT AT AN EVENT AT UTAH VALLEY UNIVERSITY
Неговиот портпарол изјави дека „Чарли Кирк бил застрелан и неговата состојба е непозната“.
Медиумите објавија дека бил однесен во болница.
Чарли Кирк е американски политички активист и основач на организацијата Turning Point USA, која промовира конзервативни вредности кај младите луѓе, особено на универзитетските кампуси. Трамп, меѓу другото, го припиша фактот дека голем број млади републиканци излегоа да гласаат на последните претседателски избори на неговото влијание.
Кирк е близок сојузник на Доналд Трамп и чест гостин во неговите кругови.
Тој јавно го поддржува Трамп и редовно се појавува на настани поврзани со него и Републиканската партија.
Иако нема формална позиција во тимот на Трамп, тој се смета за лојален промотор на идеологијата на Трамп, особено кај помладата популација.
Тој е познат по тоа што одржува дебати со студенти на американски колеџи низ САД, што неодамна беше тема на епизода од серијата „Саут Парк“.
Според снимките од социјалните медиуми, Кирк бил застрелан додека седел под бел шатор на кампусот и разговарал со студентите.
Откако се слушнал истрелот и Кирк паднал, очигледно застрелан во вратот, толпата почнала да трча, викајќи „бегај, бегај“.
Напаѓачот е постар маж, според снимките од социјалните медиуми.
Напаѓачот е уапсен, објавуваат американските медиуми. Неговиот идентитет е непознат.
ФБИ го следи инцидентот на Универзитетот во Јута Вали, изјави директорот на бирото, Кеш Пател.
„Нашите мисли се со Чарли, неговата сопруга и сите засегнати. Агентите наскоро ќе бидат на лице место, а ФБИ истражува“, рече Пател во објава на X.
Непосредно пред пукањето, Кирк објави за инцидентот на универзитетот.
Доналд Трамп, исто така, се огласи на Truth Social.
„Сите мора да се молиме за Чарли, кој беше застрелан. Тој е одличен човек, од глава до пети. Нека го благослови Бог“, напиша Трамп.
Ultrasoft