Граѓаните им оддадоа почит на жртвите од уривањето на настрешницата во Нови Сад

Денес во Нови Сад се одржува комеморативен собир по повод едногодишнината од уривањето на настрешницата во која загинаа 16 лица.
Собирот започна во 11:52 часот пред Железничката станица. Студенти, средношколци и граѓани од цела Србија оваа недела пешачеа кон Нови Сад за да присуствуваат на собирот.
Настрешницата на железничката станица во Нови Сад се урна на 1 ноември 2024 година во 11:52 часот, при што загинаа 14 лица, меѓу кои четири деца – на возраст од шест, 10, 16 и 17 години – и беа тешко повредени уште три лица. Подоцна починаа уште две лица.