Голема трагедија на Дурмитор: Странски туристи паднаа од ски-лифтот, едно лице загина!

На ски-центарот Савин Кук на Дурмитор денеска се случи трагична несреќа, при која едно лице загина, а друго е тешко повредено откако паднаа од корпата на ски-лифтот.
Станува збор за странски државјани, а инцидентот се случил на жичара број два, во стрмниот втор дел од трасата. Според првичните информации, загинал маж, додека жената е повредена, но е свесна и комуникативна.
На местото на несреќата се наоѓаат спасувачки екипи, кои утврдуваат како дошло до инцидентот. Првичните податоци укажуваат дека во вториот дел од жичарата, која води кон Савин Кук, наводно дошло до дефект, поради што корпата во која биле туристите започнала да се лизга наназад.