Руте: НАТО соработува со Данска за зајакнување на безбедноста на Арктикот

Генералниот секретар на НАТО, Марк Руте, денес на мрежата Икс изјави дека работи со данската премиерка Мете Фредериксен за зајакнување на одвраќањето и одбраната на Арктикот.
Како што претходно беше наведено, состанокот меѓу Руте и Фредериксен ќе се одржи денес во контекст на плановите на американскиот претседател Доналд Трамп за стекнување на островот, кои предизвикаа дипломатско внимание и потенцијални тензии меѓу сојузниците, објави данскиот портал DR.dk.
Дневниот ред на состанокот е да се дефинираат границите на прифатлив ангажман за Данска и Гренланд.
Генералниот секретар на НАТО вчера одржа состанок со Трамп, за време на кој разговараа за нацрт-верзиите на идниот договор за Гренланд и безбедносните аспекти на Арктикот.