Утре Македонија во портокалово ниво на опасност од невреме

Од Хидрометеролошкиот завод предупредуваат за утре големо невреме во Македонија.

„Утре нашата земја ќе се наоѓа во портокалово ниво на опасност од невреме“, велат од УХМР.

Ова е временската прогноза за утре:

„Претпладне сончево и топло со мала до умерена облачност. Попладне нестабилно со пороен дожд и грмежи, а на повеќе места ќе има појава на невреме со обилен пороен дожд (над 30 л/м²) за кратко време, грмежи, силен ветер (над 60 км/час) и град. Максималната температура ќе биде во интервал од 29 до 35 степени. УВ=7 Времето и метеоролошки параметри за Скопје: Претпладне сончево и топло со умерена облачност. Попладне со пороен дожд и грмежи, во делови од котлината во форма на невреме со пообилен пороен дожд за кратко време, грмежи, силен ветер и појава на град“.