Владата одобри проект вреден над 416 илјади евра за обезбедување нови водни извори и изградба на доводен цевковод до новиот резервоар за водоснабдување во Лабуништа, се наведува во објавеното соопштение.
Проектот има цел да го подобри водоснабдувањето на жителите и да обезбеди постабилно снабдување со вода во селото.
Според соопштението, одобрувањето на проектот е резултат на соработката меѓу градоначалникот на Општина Струга, Менди Ќира, неговиот тим и Месната заедница на Лабуништа, со поддршка од Владата.
