Тешки телесни повреди добила 73-годишна охриѓанка во сообраќајна несреќа што се случила на сервисна улица во поранешниот комплекс „Отекс“ во Охрид.
Според СВР Охрид, несреќата била пријавена на 12 ноември во 11:20 часот. Во неа учествувале автомобил „пежо“ со струшки регистарски ознаки, управуван од 47-годишен стружанец, и велосипед што го управувала повредената жена.
Тешките повреди биле констатирани во Специјалната болница „Свети Еразмо“ во Охрид. Увид на местото извршила екипа на СВР Охрид.
