Повреден и гол утрово е примен на Ургентен: Соработник на Веља Невоља со криминално минато – усмртил пешак, но не одговарал за тоа

Борис Карапанџиќ, член на групата на Вељко Беливук и Марко Миљковиќ, рано утринава бил примен во Ургентниот центар со бројни повреди, гол и бос.

Инаку, тој беше пуштен од притвор лани во октомври во постапката против него и кланот Вељко Беливук и ова не е првпат да биде повреден откако е ослободен. Имено, на крајот на ноември тој беше претепан поради наводен конфликт поради бутик во кој се продаваат навивачки работи. Кога подоцна се појавил на судењето, на главата му биле видливи модринки, но не пријавил во полиција.

Инаку, Карапанџиќ со обвинението против озлогласениот клан е обвинет дека бил член на криминалната група на Вељко Беливук.

Пред нивното апсење на 4-ти февруари 2021 година, членовите на кланот беа главно непознати за полицијата за грозоморни злосторства, бидејќи беа уапсени и осудени главно за дрога, насилничко однесување и оружје.

На Борис Карапанџиќ му се суди за уривање на кафулето на поранешниот лидер на Алкатраз, Александар Вавиќ, во Карабурма во 2013 година.  Тој беше осуден и за дрога и оружје.

Карапанџиќ зад себе има судење и за сообраќајната несреќа што ја предизвика во 2019 година кога усмрти пешак во Белград. Во тој момент бил зад воланот на „шевролет“  кога прегазил пешак кога се обидувал да помине на автопатот. За тоа не бил кривично гонет, бидејќи било утврдено дека пешакот ја предизвикал несреќата.

Инаку, навивачот познат и по прекарот Карапанџа и претходно беше познат во јавноста. Тој е осуден за дрога, поседување оружје и за инцидентот во кафулето „Холивуд“ кое било во сопственост на друг навивач на Партизан – Александар Вавиќ.

Да потсетиме, демолирањето на кафулето на Вавиќ во Карабурма се случи во декември 2013 година. Тогаш полицијата уапси група хулигани, меѓу кои беше и Борис Карапанџиќ. Во текот на судењето тој ја призна вината, но тврдеше дека кобната вечер дошол во кафулето за да разговара со Вавиќ, бидејќи претходно бил нападнат во паркот Караѓорѓе од група млади момчиња велејќи „ова е од Вавиќ“.

Поради насилничкото однесување во „Холивуд“ тој беше осуден на три години затвор, но бидејќи судот ги спои неговите претходни казни за трговија со дрога и оружје, тој беше осуден на вкупно четири години.