Во три различни инциденти, еден во близина на островот Кос, вториот кај Пелопонез и третиот околу Гавдос, во последните 24 часа спасени се вкупно 163 бегалци и мигранти, а пронајдено е и безживотното тело на една жена, според информациите од грчката крајбрежна служба.
Жената загинала во морскиот регион југоисточно од Кос, откако чамецот со 16 патници се превртел; останатите 15 лица биле спасени и пренесени на пристаништето на островот.
Доцна синоќа, во координација со крајбрежната служба, од брод во близина биле спасени 70 мигранти, кои со едрилица пловеле источно од полуостровот Пелопонез и веројатно имале проблеми. Тие безбедно биле пренесени во пристаништето во Каламата.
Во третата ситуација, близу малиот остров Гавдос, јужно од Крит, спасени се 78 мигранти од дрвен чамец.
Ultrasoft