Каратистите на клубот „Ерол“ од Лабуништа освоија златен, сребрен и бронзен медал на државниот турнир „Трофеј на Македонија 2026“, кој денеска, 14 ноември, се одржува во Скопје.
Според објавените информации од клубот, Орхан Зенделоски го освои првото место и златниот медал, Алдин Бајрамоски се закити со сребро, додека Анел Зенделоски освои бронзен медал.
Со трите освоени одличја, натпреварувачите на „Ерол“ остварија успешен настап и го претставија Лабуништа на државната карате сцена.
