„Travel Оff Path“ е една од најпосетените интернет страници во САД посветени на патувањата.
Во последната репортажа тие особено внимание ѝ посветиле на Босна и Херцеговина за која велат дека е исклучително гостопримлива и пристапна дестинација.
![](https://tocka.com.mk/images/content/inside/2024-05/Z7oBvTxNPv-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)
Американскиот магазин, „Travel Off Path“ неодамна направил листа на најповолни европски дестинации за 2024 година. Магазинот на своите читатели им предложил три европски дестинации, Босна и Херцеговина, Албанија и Бугарија, за кои наведува дека се исклучително пристапни.
„Босна и Херцеговина е неоткриениот бисер на Европа којшто долго време бил занемарен поради поновата историја“, навеле од страницата.
„Меѓутоа, време е тоа да се заборави затоа што станува збор за исклучителна дестинација, една од најразличните на континентот која може да се пофали со голем број историски знаменитости“.
![](https://tocka.com.mk/images/content/inside/2024-05/qQRFZS7p2I-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)
Магазинот особено внимание им посветил на Мостар, Сараево, но исто така и Неум. Овој град на море е најинтересен поради близината со познатиот Дубровник којшто важи за една од најскапите дестинации. Покрај градовите, тука е и неверојатната природа со водопади и реки и единствената прашума во срцето на Европа.
Една недела туристички одмор во Босна и Херцеговина ќе ве чини околу 520 долари, вклучувајќи сѐ освен авионската карта, навеле од страницата.
![](https://tocka.com.mk/images/content/inside/2024-05/Pkz5SO0WUu-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)
Од друга страна, за една недела во Албанија, според нивните процени потребно е да издвоите околу 546 долари по лице, додека за една недела престој во Бугарија потребно е да издвоите над 1.100 долари.
![](https://tocka.com.mk/images/content/inside/2024-05/y2JqkxidbL-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)
![](https://tocka.com.mk/images/content/inside/2024-05/SGVnlsU4oC-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)
![](https://tocka.com.mk/images/content/inside/2024-05/5OKxmlXBCU-foto-ova-e-najpovolnata-turisticka-destinacija-vo-evropa-eve-zosto-e-tolku-posebna.jpeg)