Сабота, 21 ноември 2026 сабота, 21 ноември Струга 12°C Струга 12°C Пријави вест
Свет

Драматични сцени во Хрватска: Гори познат хотел во Истра, гостите итно евакуирани

Објавено: · 1 мин читање
Драматични сцени во Хрватска: Гори познат хотел во Истра, гостите итно евакуирани

Еден од најпознатите хотели во Хрватска, „Мулино“, се запали утрово. Пожарникарите го ставија под контрола, но и натаму не е локализиран, пренесува „Индекс“.
Според началникот на противпожарната служба Дино Козлевац, пожарот избувнал околу девет часот и го зафатил покривот на хотелот, а во неговото гасење биле вклучени 45 пожарникари и 20 возила.
На местото на настанот се наоѓаат членови на јавните противпожарни единици од Умаг, Бузет, Пореч и Пула, како и членови на доброволните противпожарни единици од областа Бује.
„Заедно со нашите сили, пристигнаа и екипи на ДВД од Сечовље и членови на противпожарната бригада од Копер“, рече Козлевац, додавајќи дека ова била тешка интервенција.
Гостите на хотелот беа евакуирани откако избувна пожарот.
ФОТО: Архива