Сабота, 21 ноември 2026 сабота, 21 ноември Струга 11°C Струга 11°C Пријави вест
Македонија

Сончево и многу топло време со мала локална облачност, температура до 40 степени

Објавено: · 1 мин читање
Сончево и многу топло време со мала локална облачност, температура до 40 степени

Синоптичарите и за денеска најавуваат сончево и многу топло време со мала локална облачност. Ќе дува слаб до умерен ветер од јужен правец. Минималната температура ќе биде во интервал од 15 до 22, а максималната ќе достигне од 33 до 40 степени. УВ-индексот ќе биде 10.

– Подрачјето на нашата земја и во следниот период ќе биде под влијание на топол бран. Ќе се задржи многу топло време со дневни температури во поголемиот дел од земјава над 35, а наместа и над 40 степени поради што ќе биде активно портокалово ниво на опасност од високи температури. УВ индексот ќе има многу висока вредност 10, известуваат од УХМР.