Петок, 20 ноември 2026 петок, 20 ноември Струга 16°C Струга 16°C Пријави вест
Охрид

Суспендирани двајца полицајци од Охрид – со колега од Србија тепале малолетник кој возел мотор без дозвола

Објавено: · 1 мин читање
Суспендирани двајца полицајци од Охрид – со колега од Србија тепале малолетник кој возел мотор без дозвола

Двајца полицајци од Охрид, заедно со колега од Србија, се суспендирани поради тепање на малолетник кој возел мотор без дозвола, при што употребиле гумена палка и други тврди предмети. МВР уште поднесе кривична пријава и започна истрага.

Двајца полицајци од Охрид и нивен колега од Србија со гумена палка и други тврди предмети истепале малолетник кој возел мотор без дозвола.

Според информациите од МВР, Одделот за внатрешна контрола, криминалистички истраги и професионални стандарди поднесе кривична пријава против С.С., Б.Г. и Ј.И. поради постоење на основи на сомнение за сторено кривично дело „малтретирање во вршење на службата“

„На 29.07.2026 околу 05:05 часот во Охрид, пријавените С.С. и Б.Г., полициски службеници од СВР Охрид и Ј.И., полициски службеник од Србија, при вршење на службени дејствија сопреле мотоцикл управуван од малолетник без дозвола, кој се обидел да побегне. Набргу го фатиле и кон него употребиле физичка сила, гумена палка и тврд предмет и му нанеле повреди на повеќе делови на телото“, соопшти МВР.

Одделот за внатрешна контрола доставил и барање до надлежната служба за внатрешна контрола при МВР на Република Србија за вршење службен разговор со Ј.И..

Одделот за внатрешна контрола против полициските службеници С.С. и Б.Г. ќе поднесе предлог за поведување на постапка за утврдување на одговорност за кршење на работната дисциплина и ќе изрече задолжителни мерки за отстранување од работно место-суспензија.