Дел од планинскиот врв во австриската провинција Тирол се откина, испраќајќи над 100.000 кубни метри карпи во долината долу и предизвикувајќи масивни лизгања на земјиштето.
Карпите почнаа да паѓаат во неделата од Флухторн, планина висока речиси 3.400 метри во Алпите Силврета на границата меѓу Швајцарија и Австрија, во инцидент за кој геолозите велат дека бил предизвикан од топењето на вечниот мраз, пренесува Си-Ен-Ен.
Низ социјалните мрежи се проширија видеа од местото на настанот, моментот откако се „откина“ врвот на планината, како и видеа од последиците што ги остави оваа појава.
Според извештајот на локалната полиција, во падот на карпата нема повредени.
Во извидувачки лет над погодената област, државните геолози направија првични проценки за количината на падот на карпите, но рекоа дека тие можеби се конзервативни бидејќи ќе биде потребно време за да се добие попрецизна слика.
„Ова е релативно голем инцидент, станува збор за најмалку 100 илјади кубни метри карпа што паднала, веројатно повеќе од тоа“, рече Томас Фигл, државен геолог, во видеото произведено од владата на Тирол.
Во извидувачки лет над погодената област, државните геолози направија првични проценки за количината на падот на карпите, но рекоа дека тие можеби се конзервативни бидејќи ќе биде потребно време за да се добие попрецизна слика.
„Ова е релативно голем инцидент, станува збор за најмалку 100 илјади кубни метри карпа што паднала, веројатно повеќе од тоа“, рече Томас Фигл, државен геолог, во видеото произведено од владата на Тирол.
Геолозите го припишуваат колапсот на топењето на вечниот мраз, долго замрзнат слој почва и карпи. Најчесто поврзан со арктичките региони, вечниот мраз се наоѓа и високо во европските Алпи.
„Можеме да бидеме релативно сигурни за причината за овој инцидент: вечниот мраз. Мразот е лепилото на планините и тој мраз се топи подолг временски период поради климатските промени. Тоа потоа ги предизвикува резултатите што ги гледаме овде“, рече Фигл.
Кога се топи вечниот мраз, може да има дестабилизирачки ефект, рече Марсија Филипс, шеф на истражувачката група за вечен мраз во Институтот за истражување на снег и лавини WSL во Швајцарија.
A mud and rockslide caused the peak of Fluchthorn mountain in Austria to collapse on Monday in an incident likely attributed to a recent snow melt.
— NoComment (@nocomment) June 13, 2023
A mountain rescuer captured the footage in Tyrol, close to the Swiss border. pic.twitter.com/hR5mJmGxFM
„Водата може да навлезе длабоко во карпестите маси преку новоотворените пукнатини, кои претходно беа блокирани од вечниот мраз“, изјави таа за CNN, објаснувајќи дека тоа може да доведе до пукање на карпите.
Нема доволно податоци за да се потврди дали паѓањето на карпите се зголемило во последниве години, бидејќи обично само големите настани се добро документирани, вели Филипс.
Но, како што климатските промени предизвикани од човекот ги зголемуваат глобалните температури, предизвикувајќи топење на вечниот мраз и топење на снегот и глечерите, се чини дека паѓањата на камења во овој регион стануваат почести.
Ultrasoft