Најмалку 1.388 луѓе загинаа низ Турција и Сирија, по огромниот земјотрес со јачина од 7,8 степени според Рихтеровата скала што ја зафати јужна Турција рано во понеделникот, при што беа повредени уште илјадници луѓе во двете земји.
Според сириската државна новинска агенција, која исто така објави најмалку 1.042 повредени, во Сирија загинале најмалку 476 лица, вклучително 326 главно во регионите на Алепо, Хама, Латакија и Тартус. Од оние кои ги загубија животите, најмалку 139 се во Латакија, изјави нејзиниот гувернер за сириската државна телевизија.
Во меѓувреме, групата „Бели шлемови“, официјално позната како Сириска цивилна одбрана, исто така објави најмалку 150 смртни случаи и 350 повредени во областите контролирани од опозицијата во северозападна Сирија.
Во Турција загинаа најмалку 912 лица, а 5.385 се повредени, изјави турскиот претседател Реџеп Таип Ердоган во телевизиско обраќање во понеделник.
Очевидец на Си-Ен-Ен изјави дека последователните потреси се уште се чувствуваат неколку часа по земјотресот. Се појавија и фотографии кои ги прикажуваат катастрофалните последици од земјотресот, при што се урнаа цели згради и превртени автомобили.
Спасувачите работат низ остатоците од паднатата инфраструктура за да бараат преживеани, додека пристаништето Искендерун во јужна Турција и некои аеродромски писти се оштетени.
Ultrasoft