ВИДЕО: „Се чувствува мирис на тела“ – Се’ помалку надеж за уште преживеани, спасувачите со шокантни изјави

Спасувачките екипи во турскиот град Кахраманмарас изјавија дека чувствуваат мирис на тела додека копаат низ урнатините во центарот на градот, кој сега е толку разурнат од земјотресот што многу згради се претворени во урнатини.

– Се надеваме дека долу се уште живи две лица. Повеќето од луѓето што ги најдовме под урнатините беа мртви, изјави за Гардијан волонтерот Зафер Јилдиз.

Мехмет Боскерт внимателно го извадил молитвеникот од остатоците од урнатата зграда додека копал со рацете со надеж дека ќе ги најде живи неговиот брат и снаа.

-Откако успеав да излезам од урнатините кога ми се урна куќата, дојдов овде да се обидам да ги најдам. Можам само да се надевам, но изгледа дека е предоцна. Екипите на итната помош пристигнаа предоцна, а овие копачи ги донесоа дури денеска. Се надевам дека ќе можам да направам нешто,рече тој.

Додека зборуваше, итните работници во Кахраманмарас продолжиле да ги пребаруваат урнатините, често наоѓајќи само делови од телото.

This is one of the most devastating videos I’ve seen come out of Turkey after the earthquake.

Rescue workers shout: “can anyone hear our voice?”

The silence that follows is gut wrenching. pic.twitter.com/sWSbVigb75

— Fatima (@fatimazsaid) February 8, 2023

-Се обидовме да идентификуваме луѓе, но многу тела беа толку уништени што имавме проблем со идентификацијата. Во еден момент најдовме само рака, моравме да им ја покажеме на некои семејства за да се обидеме да утврдиме на кого му припаѓа, рече една волонтерка.

– Не верувам дека има надеж да се најдат живи луѓе, вели таа.

Во оддалечениот град Пазарџик, Хасан Читак сè уште се надева дека неговите родители и брат ќе бидат пронајдени живи под нивната уништена станбена зграда.

– Стигнав рано утрово. Извлекував луѓе од урнатините. Некои од нивните тела биле замрзнати од студот. Не верувам дека има надеж да се најдат живи луѓе, изјави спасувачот Уфук Акгун.

– Осум лица беа таму долу, еден е повреден, а седум се мртви. Се обидуваме да ги најдеме двајцата за кои се надеваме дека се живи. Овде со денови нема ништо, владата дава помош само за местата што гласаат за нив, а тие не испраќаат помош во селата, рече спасителот Мехмет Али.