Голем шумски пожар во Струшко, во гаснењето вклучен хеликоптер на МВР

Хеликоптер на МВР го гаси шумскиот пожар кај село Делогожди, Струга. Шумата се запалила од претходно избувнатиот пожар на блиската депонија.

На терен се две противпожарни возила, четворица пожарникари и шестмина вработени од ЈП Национални шуми, подружница „Јабланица“ од Струга.

Заради опасноста од проширување на пожарот кон место што е непристапно за гаснење на пожарот од земја, побарана е воздухопловна поддршка.